Azərbaycan kimya sənayesi məhsullarının ixracını artırıb

Bu ilin yanvar ayında Azərbaycan 31 milyon 736,67 min ABŞ dolları dəyərində 72 min 644,17 ton kimya sənayesi məhsulları ixrac edib.

"Report" Dövlət Gömrük Komitəsinə istinadən xəbər verir ki, bu, 2022-ci ilin müvafiq dövrü ilə müqayisədə müvafiq olaraq 11,33 % və 15,56 % çoxdur.

Hesabat dövründə kimya sənayesi məhsullarının ümumi ixracda payı 1,69 %, qeyri-neft sektoru üzrə ixracda isə payı 11,15 % təşkil edib.