Ağdamda mikronlaşdırılmış və örtülmüş kalsit istehsalı yaradılır

Ağdam Sənaye Parkında investisiya dəyəri 3,7 milyon manat olan mikronlaşdırılmış və örtülmüş kalsit istehsalı müəssisəsi yaradılacaq.

“Report” xəbər verir ki, bu barədə iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, bununla bağlı "Caltech" MMC-yə sənaye parkının rezidenti statusu verilib: “Müəssisədə 30 nəfərlik daimi iş yerinin yaradılması nəzərdə tutulur. Bununla da Ağdam Sənaye Parkının rezidentlərinin sayı 22-ə çatıb”.