Bakı. 20 iyul. REPORT.AZ/ "Qara transplantasiya işləri qəbulolunmazdır. Çünki orqan köçürülməsi işinin tək tibbi deyil, həm də hüquqi tərəfi var".
"Report" xəbər verir ki, bunu Mərkəzi Neftçilər Xəstəxanasının Cərrahiyyə və Orqan Transplantasiyası şöbəsinin müdiri Mircəlal Kazımi keçirdiyi mətbuat konfransında deyib.
Onun sözlərinə görə, xəstəxanaya müayinə gələn bütün xəstələrin hamısı Mərkəzi Neftçilər Xəstəxanasında əməliyyat olunanlardır: "Ona görə də bizim xəstəxanada heç bir qeyri-qanuni işlər görülmür".