ÜST qripə qarşı kütləvi peyvəndlənməyə çağırıb

“Builki qripə qarşı peyvəndlənmə xəstəxanalara düşən yükü azalda bilər”.

“Report” xəbər verir ki, bunu Ümumdünya Səhiyyə Təşkilatının (ÜST) baş direktorunun böyük müşaviri Brüs Eylvord söyləyib.

“Dünyanın bir çox ölkələrində xəstəxanalardan yataqların sayını necə çoxaltdıqlarını soruşduqda onlar əksərən qripə qarşı mübarizə üçün nəzərdə tutulmuş resursları işə saldıqlarını bildiriblər. Bu səbəbdən COVID-19 ilə mübarizə üçün qripə qarşı vaksinasiyanı gücləndirmək lazımdır”, - B.Eylvord vurğulayıb.