Teymur Musayev: “Saxta sertifikat işi ilə məşğul olanlar ölüm lotereyası oynayırlar”

“Saxta sertifikat alan və onu verən tibb işçisi cinayət işlədir. Bu işlə məşğul olanlar ölüm lotereyası oynayırlar. Onlar insanların həyatını təhlükə altına alırlar”.

"Report" xəbər verir ki, bunları səhiyyə nazirinin birinci müavini Teymur Musayev “Real TV”-yə müsahibəsində deyib.

O qeyd edib ki, bu, Səhiyyə Nazirliyinin yox, hüquq-mühafizə orqanlarının işidir: "Onların sərt davranışı bizə dəstək olar".