Rusiyalı nazir: "Seçenov Universitetinin Bakı filialı Azərbaycana dəyərli kadr yetişdirir"

“Seçenov adına Moskva Dövlət Tibb Universitetinin Bakı filialı hökumətin dəstəyilə sürətlə inkişaf edərək Azərbaycan üçün dəyərli kadr hazırlayır”.

“Report” xəbər verir ki, bunu adıçəkilən ali təhsil ocağının Bakı filialının ilk məzunlarına diplomların təqdimatı mərasimində Rusiya səhiyyə naziri Mixail Muraşko bildirib.

Nazir məzunların təqribən 20 faizinə qırmızı diplom veriləcəyini də qeyd edib.

Rusiyalı nazir həmçinin filial rektoru, professor Əziz Əliyevə xatirə nişanı da təqdim edib.