Əməkdar rəssam Rəis Rəsulzadənin son durumu açıqlanıb

Əməkdar rəssam Rəis Rəsulzadə sentyabrın 21-də beyindaxili qansızma diaqnozu ilə TƏBİB-in tabeliyində olan Kliniki Tibbi Mərkəzə yerləşdirilib.

KTM-dən "Report"a verilən məlumata görə, o, lazımı müayinələrdən keçirilib, müalicələri aparılıb.

Hazırda R.Rəsulzadənin vəziyyəti stabildir, ambulator müalicə üçün evə buraxılması nəzərdə tutulub.

Qeyd edək ki, o, 1946-cı ildə anadan olub. R.Rəsulzadə Azərbaycan Xalq Cümhuriyyətinin qurucusu Məhəmməd Əmin Rəsulzadənin nəvəsidir.