Ötən il Azərbaycanda 66 tibb işçisi intizam məsuliyyətinə cəlb edilib

Bakı. 19 aprel. REPORT.AZ/ 2017-ci ildə Azərbaycan Respublikası İnsan Hüquqları üzrə Müvəkkilinin (Ombudsman) ünvanına həkim səhlənkarlığı və laqeyd münasibəti ilə bağlı daxil olmuş müraciətlər üzrə araşdırmalar aparılıb.

"Report" xəbər verir ki, bu barədə Azərbaycanda İnsan hüquqlarının və azadlıqlarının təmin edilməsi və müdafiəsinin vəziyyəti haqqında Azərbaycan Respublikası İnsan Hüquqları üzrə Müvəkkilinin (Ombudsmanın) 2017-ci il üzrə illik məruzəsində bildirilib.

"Səhiyyə Nazirliyinin rəsmi məlumatına əsasən, ümumilikdə 2017-ci il ərzində 66 tibb işçisi intizam məsuliyyətinə cəlb edilib.