Norveçdə peyvənd olunan üç nəfər ölüb

Norveçdə yeni növ koronavirus infeksiyasına qarşı peyvənd olunan üç nəfər dünyasını dəyişib.

Bu barədə “Report” “TASS”a istinadən xəbər verir.

Sula kommunasının rəsmi açıqlamasında qeyd olunub ki, 82 yaşlı pasiyent 5 yanvarda COVID-19-a qarşı peyvənd olub, bir gün sonra vəfat edib. Lakin həkimlər peyvəndin ölümə səbəb ola biləcəyinə inanmırlar.

Bundan əvvəl iki nəfər peyvənd vurulduqdan sonra dünyasını dəyişmişdi.

Xatırladaq ki, Norveçdə koronavirusa yoluxan 53 326 nəfərin 467-sı vəfat edib.