Nazirlik BDU-nun səhhətində problemlər yaranan iki tələbəsinin durumu barədə məlumat yayıb

Səhiyyə Nazirliyi Bakı Dövlət Universitetinin səhhətində problemlər yaranan qız iki tələbəsinin durumu barədə məlumat yayıb.

Nazirlikdən "Report"a bildirilib ki, bu barədə məlumat Təcili Yardıma saat 08:15-də daxil olub.

"Yasamal rayonu Zahid Xəlilov küçəsi 54 ünvanına gələn həkim briqadası gastroenterit ehtimalı ilə (mədə soyuqlaması, sulu ishal, qarın krampları, mədə bulantısı və qusma ilə xarakterizə edilən infeksiya) 20 yaşlı iki tələbə qızı KTM-ə çatdırıb. Xəstəxanaya çatdırılan qızlardan birində təzyiq yüksək digərində aşağı olub. İlkin diaqnoz mədə-bağırsaq iltihabıdır. Hazırda vəziyyətləri nisbi-qənaətbəxşdir", - nazirlikdən bildirilib.