KTM: Son üç ayda 13 nəfər zəhərlənərək ölüb

Bu ilin ilk üç ayı ərzində Kliniki Tibbi Mərkəzin (KTM) Toksikologiya şöbəsinə zəhərlənmə səbəbi ilə 297 nəfər qəbul edilib.

Bu barədə "Report"un sorğusuna cavab olaraq KTM-in mətbuat katibi Ruzbeh Məmməd məlumat verib.

Qeyd olunub ki, onlardan 11 nəfər botulizm zəhərlənməsi ilə şöbəyə qəbul edilən xəstələrdir. Şöbəyə qəbul edilən xəstələrin hər biri intensiv zəruri stasionar müalicə prosedurlarına cəlb edilib.

Həkimlərin səylərinə baxmayaraq, son üç ayda şöbəyə qəbul edilən xəstələrdən 13 nəfərin (11 kişi, 2 qadın) həyatını xilas etmək mümkün olmayıb.