Koronavirusun diaqnostikası üçün testlər Azərbaycana gətirilib - EKSKLÜZİV

Koronavirusun diaqnostikası üçün testlər Azərbaycana gətirilib - EKSKLÜZİV Yeni 2019-nCoV koronavirus epidemiyasının diaqnostik alətlər dəsti (testlər) Azərbaycana gətirilib.
Sağlamlıq
1316
3 Fevral , 2020 10:09
Koronavirusun diaqnostikası üçün testlər Azərbaycana gətirilib - EKSKLÜZİV

Yeni 2019-nCoV koronavirus epidemiyasının diaqnostik alətlər dəsti (testlər) Azərbaycana gətirilib.

"Report"un əldə etdiyi məlumata görə, alətlər dəsti müvafiq tibb müəssisəsinə veriləcək.

Alətlər dəstinin ölkəyə gətirilməsi işini Ümumdünya Səhiyyə Təşkilatı təşkil edib.

Səhiyyə naziri Oqtay Şirəliyev “Yeni 2019-nCoV koronavirus xəstəliyinə qarşı profilaktik tədbirlərin gücləndirilməsi barədə” əmr imzalayıb. Sənəddə tibb müəssisələrində sanitariya-gigiyena, əksepidemik rejimlərin tələblərinin yerinə yetirilməsi və dezinfeksiya tədbirlərinin həyata keçirilməsi işinin gücləndirilməsi, kəskin respirator virus infeksiyasına şübhəli xəstələrin, xüsusən uşaqların və yaşlı əhalinin hospitalizasiyası üçün xüsusi palataların ayrılması və təchiz olunmasının təmin edilməsi üçün müvafiq tapşırıqlar verilib. 

Qeyd edək ki, virusa yoluxması ehtimal edilən şəxslər Elmi-Tədqiqat Ağciyər Xəstəlikləri İnstitutu, 1 saylı Kliniki Tibbi Mərkəzə və 7 saylı Uşaq İnfeksion Xəstəxanasında karantin altına alınacaq.

Son xəbərlər

Orphus sistemi