İtaliyada dünyada ilk dəfə döyünən ürək transplantasiyası keçirilib

İtaliyanın Paduya şəhərində dünyada ilk dəfə döyünən ürəyin transplantasiyası keçirilib.

Bu barədə “Report” şəhərin Xəstəxana-Universitet İdarəsinə istinadən xəbər verir.

Rəhbərlik əməliyyatı "səhiyyə inqilabı" adlandırıb. Bu cür təcrübə ilə həkimlər ürək transplantasiyasının nəticələrini yaxşılaşdıra biləcəklər.

"Beləliklə, həm toplama, həm də transplantasiya zamanı işemiya və reperfuziyanın zədələnmələri aradan qaldırılacaq və əməliyyatdan sonrakı ürək fəaliyyətinin yaxşılaşdırılması ilə orqanın funksiyasının daha sürətli bərpası təmin ediləcək", - məlumatda deyilir.

Paduya Xəstəxana-Universiteti İdarəsinin məlumatına görə hazırda xəstənin səhhəti yaxşıdır. O, xəstəxanadan evə getməyə hazırlaşır.