Həkim COVID-19-la bağlı ürək xəstələrinə xəbərdarlıq edib

"Ürək xəstəliklərindən əziyyət çəkənlərlə digər xəstələrin COVID-19-a yoluxmasında heç bir fərq yoxdur, amma yoluxduqdan sonra ürək xəstələri xəstəliyi daha ağır keçirir".

“Report” xəbər verir ki, bunu Səhiyyə Nazirliyinin mütəxəssisi dosent, invaziv kardioloq Qalib İmanov deyib.

Onun sözlərinə görə, virusa qarşı istifadə olunan dərmanların ürək xəstəliyi üçün olan dərmanlarla birgə istifadəsi çox təhlükəlidir:

“Bu səbəbdən həmin xəstələr həkimə xəbər verməli və düzgün müalicə metodu seçilməlidir”.