Bu il Bakıda 106 ambulator poliklinik müəssisə optimallaşdırılacaq

Bu il Bakıda 106 ambulator poliklinik müəssisənin optimallaşdırılması nəzərdə tutulur.

"Report" xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev qurumun 2025-ci ilin yekunlarına dair keçirilən mətbuat konfransında deyib.

Onun sözlərinə görə, bu il Azərbaycan üzrə 78 Ailə Sağlamlıq Mərkəzi, 871 həkim məntəqəsi, 1 168 tibb məntəqəsinin də optimallaşdırılması planlaşdırılır:

"Pilot layihə olaraq Bərdə rayonunda şəbəkənin optimallaşdırılması həyata keçirilir. Bir yeni Ailə Sağlamlıq Mərkəzi yaradılıb, 31 tibb məntəqəsi həkim məntəqələrinə birləşdirilib. Nəticədə Bərdə rayonu üzrə 110 kənd və rayon mərkəzi 2 Ailə Sağlamlıq Mərkəzi, 34 həkim məntəqəsi və 18 tibb məntəqəsi ilə əhatə olunub".