Yuxarı
    Bağlamaq

    Türkiyə və İsrail diplomatlarının görüşü təsdiqlənib

    Mövlud Çavuşoğlu: Görüşmədən necə anlaşmaq olar?

    Bakı. 25 iyun. REPORT.AZ/ Türkiyənin xarici işlər naziri Mövlud Çavuşoğlu ölkə diplomatlarının İsrail nümayəndələri ilə görüşdüyünü təsdiqləyib. 

    "Report"un Türkiyə KİV-ə istinadən verdiyi məlumata görə, xarici işlər naziri bildirib ki, Türkiyə-İsrail əlaqələrinin normallaşması üçün belə görüşlərin keçirilməsi adi hadisədir.

    Məlumata görə, Türkiyə xarici işlər nazirinin müşaviri Ferudin Siniroğlu İtaliyada İsrail Xarici İşlər direktoru ilə görüşüb. Bu görüşü təsdiqləyən nazir deyib: "Görüşmədən necə anlaşmaq olar? Bir müddətdir mütəxəssislər səviyyəsində iki ölkə arasında danışıqlar gedir".

    M.Çavuşoğlu "Mavi Mərmərə" hadisəsi nəticəsində ölənlərin ailələrinə təzminatın ödənilməsi və Qəzza zolağındakı blokadadan da danışıb: "Top qarşı tərəfdədir, biz onlardan cavab gözləyirik. İsrail daxilində baş verən siyasi proseslər üzündən bu məsələ bir az uzanıb". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi