Yuxarı

​Rusiya Nazirlər Kabineti Xəzər dənizi bioresurslarının qorunması haqqında qanunun ratifikasiya olunmasını təklif edib

Qanunun qəbulu Xəzər dənizində nərə balıq ovunu tənzimləyən beynəlxalq hüquqi baza yaradacaq

Bakı. 4 iyun. REPORT.AZ/ Rusiya hökuməti Dövlət Dumasına "Xəzər dənizinin bioloji ehtiyatlarının qorunması və səmərəli istifadəsi haqqında sazişin ratifikasiya edilməsi" ilə bağlı qanun layihəsinin təsdiq edilməsini təklif edib. "Report" TASS-a istinadən xəbər verir ki, bu barədə Rusiya Nazirlər Kabinetinin saytında bildirib.

"Qanun layihəsinin qəbulu Xəzər dənizində nərə balıq növlərinin ovlanmasını və digər su bioloji resurslardan istifadə qaydalarını tənzimləyən beynəlxalq hüquqi baza yaradacaq", - məlumatda bildirib.

Hazırda Xəzər dənizinin bioloji ehtiyatlarının qorunması və onlardan səmərəli istifadə edilməsi, 23 dekabr 1992-ci ildə Xəzəryanı dövlətlərin səlahiyyətli nümayəndələrinin iclasında yaradılan Xəzər dənizinin Su Bioresursları üzrə idarələrarası komissiyanın protokoluna uyğun olaraq həyata keçirilir.

Bu komissiya hazırda Xəzər dənizinin su bioresurslarından istifadəsində yeganə mövcud mexanizmdir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi