Rusiya Dövlət Dumasında koronavirusa yoluxma ilə bağlı beş hal aşkarlanıb

Rusiya Dövlət Dumasının sədri Vyaçeslav Volodin deputatlar arasında yeni növ koronavirusa yoluxma halları barədə danışıb.

“Report” “RİA Novosti”yə istinadən xəbər verir ki, Federal Məclisin aşağı palatasının nümayəndələri arasında ümumilikdə beş virusa yoluxma halı aşkarlanıb.

V.Volodinin sözlərinə görə, xəstələrin ikisi evdə özünütəcrid vəziyyətindədir, iki nəfər xəstəxanaya yerləşdirilib, bir nəfər isə sağalaraq xəstəxanadan evə buraxılıb.

Qeyd edək ki, Rusiyada ümumilikdə 242 271 yoluxma halı qeydə alınıb.