İran prezidentinin Rusiyaya ikigünlük rəsmi səfəri başlayıb

Bakı. 27 mart. REPORT.AZ/ İran prezidenti Həsən Ruhani Moskvada rəsmi səfərdədir.

“Report” "RİA Novosti”yə istinadən xəbər verir ki, onun təyyarəsi Moskvada “Vnukovo” hava limanında yerə enib.

O, səfərin birinci günü Rusiyanın baş naziri Dmitri Medvedevlə görüşəcək. Görüş zamanı ikitərəfli, o cümlədən energetika sahəsində əməkdaşlığın perspektivləri müzakirə olunacaq.

Martın 28-də Rusiya prezidenti Vladimir Putinlə Həsən Ruhani arasında keçiriləcək görüşdə isə birgə energetika layihələrinə diqqət ayrılacaq. Danışıqların nəticəsinə əsasən bir sıra ikitərəfli sənədlər imzalanacaq.