Yuxarı

Ermənistanın keçmiş xarici işlər nazirinin adı rüşvətxorluqda hallanır

Ermənistanın keçmiş xarici işlər nazirinin adı rüşvətxorluqda hallanır

Bakı. 3 noyabr. REPORT.AZ/ Ermənistanın keçmiş xarici işlər naziri və deputatı Vardan Oskanyanın adı rüşvət hadisəsində hallanır.

“Report” xəbər verir ki, məlumatı Ermənistan KİV-i yayıb.

Bildirilib ki, iş adamı Silva Ambartsumyan rüşvətxorluqla bağlı Xüsusi İstintaq Xidmətinə verdiyi ifadədə Vardan Oskanyanın adını çəkib. Məlumata görə, keçmiş nazir bu yaxınlarda ölkəni tərk etmək istəyib, ancaq ona sərhədi keçməyə icazə verilməyib.

“Vardan Oskanyanın adı ilk dəfə deyil ki, belə qalmaqalda hallanır. Böyük məbləğdə qanunsuz gəlirin leqallaşdırılması ilə bağlı 2012-ci ildə ona qarşı cinayət işi açılıb”, - deyə bildirilib.

Xəbərdə Vardan Oskanyanın oğlunun törətdiyi xuliqanlıq da xatırladılıb: “2013-cü ildə oğlu S.Oskanyan Yerevanda dava-dalaş edərkən gənc bir kişinin burnunun sındırıb, 2017-ci ildə isə o, borclu olan adamı hədələdiyi üçün bir müddət saxlanılıb, sonra sərbəst buraxılıb”.

Qeyd edək ki, Vardan Oskanyan 1955-ci il fevralın 7-də Suriyanın Hələb şəhərində doğulub. 1998-2008-ci illərdə Ermənistanın xarici işlər naziri işləyib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi