ABŞ BMT Təhlükəsizlik Şurasını İrana qarşı sanksiyaları bərpa etməyə səsləyib

Bakı. 13 dekabr. REPORT.AZ/ Amerika tərəfi BMT Təhlükəsizlik Şurasını (TŞ) İrana qarşı sanksiyaları bərpa etməyə çağırıb.

“Report” TASS-a istinadən xəbər verir ki, bunu Birləşmiş Ştatların dövlət katibi Mayk Pompeo deyib.

Onun sözlərinə görə, BMT TŞ İranın ballistik raket istehsalı sahəsində fəaliyyətinə dair məsələni "kənara qoymamalıdır".

Dövlət katibi eyni zamanda Tehranı Suriya və Yəməndə münaqişələri qızışdırmaqda ittiham edib.

Bundan əvvəl Avropa İttifaqı (Aİ) İranı nüvə və raket proqramlarını dayandırmağa çağırıb.