Xamənei Təbrizə imam cümə, Şərqi Azərbaycana yeni nümayəndə təyin edib

İranın ali rəhbəri ayətullah Seyid Əli Xamənei höccətülislam Şeyx Əhməd Mütahari Əsli Şərqi Azərbaycan üzrə nümayəndəsi və Təbrizin imam cüməsi təyin edib.

“Report” “Mehr” agentliyinə istinadən xəbər verir ki, Əli Xamənei iyulun 10-da bu barədə sərəncam imzalayıb.

Qeyd edək ki, ondan əvvəl bu vəzifəni Seyid Məhəmməd Əli Haşimi tutub. O, bu il mayın 19-da İranın sabiq Prezidenti İbrahim Rəisi və başqa dövlət məmurları ilə birlikdə helikopter qəzasında həlak olub.