Ukraynada koronavirusdan sağalanların sayı artdı

Ukraynada ötən sutkada daha 638 nəfərə COVID-19 diaqnozu qoyulub.

“Report” xəbər verir ki, bunu ölkənin Milli Təhlükəsizlik və Müdafiə Şurası açıqlayıb.

Bildirilib ki, eyni dövr ərzində ölkədə 651 nəfər koronavirusdan sağalıb, 14 nəfər ölüb.

Beləliklə, Şərqi Avropa ölkəsində indiyədək 54 771 nəfər koronavirusa yoluxub. Onlardan 27 154 nəfəri sağalıb, 1 412 nəfər isə ölüb.

Məlumata görə, hazırda Ukraynada 26 205 aktiv koronavirus xəstəsi var.