Ukrayna sutkalıq yoluxmada antirekord yeniləyib

Ukrayna yeni növ koronavirusa yoluxma hallarının gündəlik artım sayı ilə əlaqədar növbəti dəfə antirekordunu yeniləyib.

“Report” xəbər verir ki, bu barədə ölkənin Səhiyyə Nazirliyinin teleqram kanalında məlumat verilib.

Səhiyyə naziri Maksim Stepanov feysbuk səhifəsində son sutka ərzində 20 341 vətəndaşın koronavirus testinin müsbət nəticələndiyini yazıb.

O, xəstələnənlər arasında 809 uşaq və 473 tibb işçisinin olduğunu bildirib. Bundan əlavə, 5 186 pasiyent xəstəxanaya yerləşdirilib, 9 166 nəfər xəstəxanadan buraxılıb.

Eyni zamanda gün ərzində 396 nəfər COVID xəstəsi ölüb.

Ən çox yoluxma Kiyev, Lvov və Odessa bölgələrində qeydə alınıb.