Rusiya MN təsdiqləyib, Ukrayna ordusu Baxmutda əks-hücuma başlayıb - YENİLƏNİB

Ukrayna Silahlı Qüvvələri ölkənin şərqində, Soledar istiqamətində bütün cəbhə boyu əks-hücum əməliyyatına başlayıb. 

“Report” TASS-a istinadən xəbər verir ki, bu barədə Rusiya Müdafiə Nazirliyindən bildirilib. 

Vurğulanıb ki, əks-hücum əməliyyatlarında 1000-dən çox hərbçi, 40-a qədər tank iştirak edib. 

Məlumata görə, Ukrayna ordusu 26 dəfə hücum cəhdi edib.

12:36

Ukrayna Silahlı Qüvvələri ölkənin şərqində əks-hücum əməliyyatlarına başlayıb.

“Report” xəbər verir ki, bu barədə Ukrayna müdafiə nazirinin müavini Anna Malyar teleqramda yazıb.

Onun sözlərinə görə, qarşı tərəf şərqdə bir neçə istiqamətdə irəliləməyə çalışır: “Biz isə təkcə müdafiə olunmuruq. Həm də əks-hücuma keçir və aktiv əməliyyatlar icra edirik”.

A.Malyar bildirib ki, Rusiya ordusunun güclü olmasına baxmayaraq, Ukrayna Silahlı Qüvvələri qarşı tərəfin irəliləməsinin qarşısını alır: “Bəzi yerlərdə onlar geri çəkilirlər”.