Ukrayna hərbçiləri Baxmutda bir neçə km² ərazini işğaldan azad ediblər

Ukrayna Silahlı Qüvvələrinin eni 3 km və dərinliyi 2,6 km olan zolaqda apardığı hücum əməliyyatları zamanı göstərilən ərazi Rusiya işğalçı qüvvələrindən "tamamilə azad edilib".

“Report” xəbər verir ki, bu barədə “Azov” alayının qurucusu Andriy Biletski teleqramda bildirib.

Biletski Baxmut yaxınlığında Rusiya Silahlı Qüvvələrinin 72-ci briqadasının 6-cı və 8-ci rotalarının darmadağınını təsdiqləyib. O həmçinin qeyd edib ki, “Vaqner” özəl hərbi şirkətinin 3-cü hücum dəstəsi cəbhənin yarılmasının qarşısını alarkən xeyli itki verib.