Türkiyənin ticarət naziri: Suriyada aparılacaq yenidənqurma və bərpa işlərinə dəstəyimiz tamdır

Türkiyənin ticarət naziri Ömer Bolat Dəməşqə səfəri çərçivəsində Suriyanın iqtisadiyyat və sənaye naziri Nidal əş-Şaar ilə ikitərəfli və çoxtərəfli formatda əməkdaşlıq istiqamətlərini müzakirə edib.

"Report" xəbər verir ki, bu barədə nazir "X"də yazıb.

Bildirilib ki, görüş zamanı tərəflər ticarət, investisiyalar, infrastruktur, nəqliyyat, enerji, maliyyə, səhiyyə və gömrük sahələrində atacaqları birgə addımlar barədə fikir mübadiləsi aparıblar.

"Ticarət nazirliklərinin nümayəndə heyətləri arasında keçirilən ilk toplantılarda müzakirə olunan mövzuları bu gün daha geniş çərçivədə müzakirə etmək və atılacaq addımları qiymətləndirmək imkanı oldu. Suriyada vətəndaş müharibəsindən sonrakı dövrdə aparılacaq yenidənqurma və bərpa işlərinə dəstəyimiz tamdır. Bu çərçivədə Türkiyə 8 dekabr inqilabından sonra Hələb və Dəməşqdə ticarət nümayəndəlikləri açdıq",-məlumatda qeyd edilib.

Vurğulanıb ki, Türkiyə və Suriya yeni dövrdə əlaqələrini çoxşaxəli şəkildə inkişaf etdirmək üçün tarixi fürsətə malikdir:

"Suriyanın ehtiyacları və tələbləri istiqamətində iş dünyamızla birlikdə investisiyadan xidmətlərə, infrastrukturdan ticarətə qədər geniş bir sahədə əməkdaşlığa açıq olduğumuzu vurğuladıq".

Bugün başlayan Suriye Şam ziyaretimiz kapsamında Suriye Ekonomi ve Sanayi Bakanı Sayın Nidal eş-Şa’ar ile ikili ve heyetlerarası görüşme gerçekleştirdik.

Suriye Ekonomi ve Sanayi Bakanlığındaki görüşmemizde Türkiye ve Suriye olarak, ikili ticari konuları, yatırımları, altyapı,… pic.twitter.com/fxNBU9nOV5

— Prof. Dr. Ömer Bolat (@omerbolatTR) April 16, 2025