Bakı. 11 oktyabr. REPORT.AZ/ “Türkiyənin hüquq-mühafizə orqanları və ordusunun son bir ildə terror qruplaşmalarına qarşı keçirdiyi 68 min 464 anti-terror əməliyyatı nəticəsində 2 min 242 terrorçu məhv edilib".
“Report” "Habertürk"ə istinadən xəbər verir ki, bunu Türkiyənin daxili işlər naziri Süleyman Soylu bildirib.
Onun sözlərinə görə, əməliyyatlardan 40 min 215-i terrorçu PKK qruplaşmasına, 25 min 818-i Fətullahçı Terror Təşkilatına qarşı keçirilib: “Qalan əməliyyatlar isə terrorçu İŞİD qruplaşmasına qarşı aparılıb”.
Daxili işlər naziri bildirib ki, bu əməliyyatlar nəticəsində 30 min 167 nəfər tutulub.
Nazir bildirib ki, Türkiyə-Suriya sərhədində 755 km. uzunluğunda beton divar hörülüb.