Türkiyədə TÜPRAŞ neft emalı zavodunda partlayış olub, 12 nəfər yaralanıb - YENİLƏNİB

Türkiyənin İzmit şəhərində TÜPRAŞ neft emalı zavodunda baş verən partlayış nəticəsində 12 nəfər yaralanıb.

“Report” Türkiyə KİV-ə istinadən xəbər verir ki, bu barədə TÜPRAŞ-dan bildirilib.

Onların xəfif xəsarət aldıqları bildirilir.

Türkiyənin İzmit şəhərində TÜPRAŞ neft emalı zavodunda partlayış baş verib.

“Report” bu barədə Türkiyənin NTV telekanalına istinadən xəbər verir.

"Partlayış planlı təlim zamanı baş verib", - Kocaeli Böyükşəhər Bələdiyyəsinin sədri Tahir Böyükak bildirib.

O, həmçinin qeyd edib ki, partlayış nəticəsində xəsarət alanlar barədə məlumat yoxdur.

T.Böyükakının sözlərinə görə, partlayış nəticəsində baş verən yanğın nəzarət altına alınıb.