Türkiyə lideri: "Qafqazdakı problemlər həllini tapır"

“Taxıl dəhlizi” və əsir mübadiləsinə şərait yaratmaqla qida və eneji böhranının azalmasına töhfə veririk”.

“Report”un xəbərinə görə, bunu Türkiyə Prezidenti Rəcəb Tayyib Ərdoğan yanvarın 11-də Ankarada Beynəlxalq Ombudsmanlıq Konfransında çıxışı zamanı deyib.

O, bu məsələlərlə bağlı Rusiyanın dövlət başçısı Vladimir Putinlə apardığı danışıqlara da toxunub: “Putin xahiş edib ki, taxıl varlı Avropa ölkələrinə yox, kasıb ölkələrə daşınsın. Düzü, mən də bununla razılaşdım. Beləliklə, proses başladı. İndi də yaralılar üçün humanitar dəhlizin açılmaısnı istəyirik”.

R.T.Ərdoğanın sözlərinə görə, yalnız Rusiya və Ukraynadan deyil, həmçinin Suriyadan, Azərbaycandan, Liviyadan da yaralıları gətirib Türkiyə xəstəxanalarında müalicə edirlər: “Bundan sonra da bu işi davam etdirəcəyik”.

Türkiyə lideri onu da bildirib ki, Qafqazdakı problemlər həllini tapır.