Ankara və İstanbulda terrorçulara qarşı əməliyyat keçirilib, 68 şübhəli saxlanılıb

Türkiyənin paytaxtı Ankarada PKK/KCK terror qruplaşmasına qarşı əməliyyat keçirilib.

"Report" xəbər verir ki, bu barədə Türkiyə KİV-i məlumat yayıb.

Bildirilib ki, Ankara Baş Prokurorluğunun qərarı ilə keçirilən əməliyyat nəticəsində 33 şübhəli saxlanılıb.

Başqa bir məlumata görə isə İstanbulda da terrorçulara qarşı əməliyyat keçirilib. Əməliyyat nəticəsində 35 şübhəli saxlanılıb. Onlardan 34-nün təşkilatın gənclik strukturunda təmsil olunduğu bildirilib.

Digər şübhəlilərin saxlanılması istiqamətində tədbirlər davam edir.