Tacikistanın paytaxtı Düşənbədə dəm qazından zəhərlənmə nəticəsində bir ailənin 6 üzvü ölüb.
“Report” TASS-a istinadən xəbər verir ki, bu barədə Tacikistan hökuməti yanında Fövqəladə Hallar və Mülki Müdafiə Komitəsi məlumat yayıb.
Bildirilib ki, hadisə fevralın 28-nə keçən gecə Düşənbənin şimalındakı Firdavsi rayonunda baş verib.
“Asia-Plus” portalının məlumatına görə, ölənlər arasında 6-11 yaş arası 4 uşaq, həmçinin onların atası və anası var. Qeyd edilib ki, həmin evdə kömür sobasından istifadə olunurdu.