Rusiyada aviabazaya PUA düşüb, xəsarət alanlar var

Bu gün səhər saatlarında Rusiyanın Saratov vilayətində strateji əhəmiyyətli “Engels" aviabazasının uçuş-enmə zolağına naməlum pilotsuz uçuş aparatı (PUA) düşüb. 

"Report" xəbər verir ki, bu barədə Rusiya KİV-ləri məlumat yayıb.

Bildirilib ki, hadisə nəticəsində 2 "Tu-95" bombardmançı təyyarə sıradan çıxıb, Rusiya Müdafiə Nazirliyinin 2 hərbçisi yaralanıb. Onlardan biri xəstəxanaya yerləşdirilib.

Hadisənin digər təfərrüatları açıqlanmır.

Rusiyanın Ukrayna ərazisini, əsasən, həmin aviabazadan raket atəşinə tutduğu, bu səbəbdən hücuma məruz qaldığı ehtimal olunur.