Rusiyada saxlanılan Pol Uilan məxfi materiallar gəzdirirmiş

Bakı. 22 yanvar. REPORT.AZ/ “Rusiyada casusluqda şübhəli bilinərək saxlanılan ABŞ vətədaşı Pol Uilan saxlanıldığı vaxt üzərində dövlət sirri təşkil edən materiallar gəzdirirdi”.

“Report” TASS-a istinadən xəbər verir ki, bunu saxlanılan şəxsin vəkili Vladimir Jerebionkov deyib. O, ölkənin Daxili İşlər Nazirliyinin bu barədə məlumatlarını da təsdiq edib.

Bundan əvvəl P.Uilanın qardaşı onun dörd ölkənin vətəndaşlığı olduğunu bildirmişdi.

Qeyd edək ki, Pol Uilan ötən il dekabrın 28-də Moskvada Rusiya Federal Təhlükəsizlik Xidməti tərəfindən casusluqda şübhəli bilinərək saxlanılmış, yanvarın 2-də isə ABŞ dövlət katibi Maykl Pompeo vətəndaşlarının dərhal sərbəst buraxılmasını tələb etmişdi.