Rusiyada koronavirusa 40 mindən çox yoluxma qeydə alınıb

Rusiyada son sutkada koronavirusa təsdiq olunmuş yoluxma sayı daha 40 759 nəfər artaraq, 8 952 472 nəfərə yüksəlib.

Bu barədə “Report” TASS-a istinadən xəbər verir.

Gün ərzində Rusiyada koronavirusa yoluxmuş 33 156 nəfər sağalıb və bu baxımdan ümumi say 7 687 317 nəfərə çatıb.

Bununla yanaşı, gün ərzində ölkədə COVID-19-a yoluxmuş 1 237 nəfər ölüb, bununla da Rusiyada bu səbəbdən ölənlərin ümumi sayı 251 691 nəfərə çatıb.