Rusiyada helikopter qəzası baş verib, ölən var

Rusiyada ölkənin Fövqəladə Hallar Nazirliyinə məxsus “Ka-32” helikopteri qəzaya uğrayıb.

“Report” xəbər verir ki, məlumatı Rusiya FHN yayıb.

Qeyd olunub ki, hadisə Baltik dənizinin Kurşsk körfəzinin üzərində baş verib.

Təlimi uçuşu zamanı baş verən qəza nəticəsində bir nəfər ölüb, daha bir nəfər yaralanıb.

Qəzanı yerində araşdırmaq üçün əməliyyat qərargahı və komissiya yaradılıb. Təyyarənin düşdüyü yerdən çıxarılması barədə qərar veriləcək. Ərazidə 10-dan çox texnika işləyir.