Rusiya XİN: Aİ-nin Ermənistandakı missiyası NATO missiyasına çevrilir

Qərb qüvvələrinin səyləri sayəsində Avropa İttifaqının (Aİ) Ermənistandakı missiyası mahiyyətcə NATO missiyasına çevrilir.

“Report” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinq zamanı deyib.

“Anti-Rusiya mövqeyində olan dövlətlər isterikanı gücləndirir, onları ölkəmizlə hərbi münaqişəyə hazırlığa çağırır, aşkar iqtisadi problemlər fonunda hərbi-sənaye kompleksinə böyük vəsait yatırırlar. Sadəcə pul qoymur, Ermənistanın hərbi sənaye kompleksinə sərmayə qoymağa çağırırlar”, - deyə bildirib.