Rusiya və Ukrayna arasında uşaqların qaytarılması ilə bağlı ilk birbaşa danışıqlar Dohada baş tutub

Rusiya və Ukrayna nümayəndələri ilk dəfə olaraq uşaqların ailələrinə qovuşması məsələsi ilə bağlı birbaşa danışıqlar aparıblar. Danışıqlar Qətər hakimiyyətinin vasitəçiliyi ilə paytaxt Dohada baş tutub.

"Report" "Kommersant"a istinadən xəbər verir ki, bunu Rusiya Prezidenti yanında Uşaq Hüquqları üzrə Müvəkkil Mariya Lvova-Belova deyib.

Tərəflər 29 uşağın Ukraynaya, 19 uşağın isə Rusiyaya qaytarılması ilə bağlı razılığa gəliblər.