Rusiya Moldovadakı səfirliyindəki diplomatlarının sayını 10-dək azaldıb

Rusiya Xarici İşlər Nazirliyi Moldovanın paytaxtı Kişineudakı səfirliyinin diplomatlarının sayını 10-dək azaldıb.

“Report” xəbər verir ki, bu barədə Moldova Nazirlər Kabinetindən bildirilib.

Qeyd edilib ki, səfirlikdəki texniki əməkdaşların sayı da 15-ə qədər azaldılacaq.

Qeyd edək ki, rəsmi Kişineu Moskvadan səfirlikdəki diplomatlarının və texniki əməkdaşlarının sayını azaltmağı tələb edib.

Məlumata görə, səfirlikdə indiyədək Rusiyanın 40 diplomatı, 40 texniki əməkdaşı işləyib. Ailə üzvləri ilə birlikdə toxunulmazlığı olanların sayının 150-dən çox olduğu iddia edilir. Moldovanın Rusiyadakı səfirliyində isə 6 diplomatı fəaliyyət göstərib. Onları da ölkədən çıxarıblar.