Qalibaf ABŞ-ni müharibəni dayandırmağa hazır olmasını əməlləri ilə təsdiqləməyə çağırıb

İran parlamentinin sədri Məhəmməd Baqer Qalibaf ABŞ tərəfini müharibəni dayandırmağa hazır olması barədə sözlərini öz əməlləri ilə təsdiqləməyə çağırıb.

"Report" xəbər verir ki, o, bu barədə "X" sosial şəbəkəsindəki hesabında paylaşım edib.

"Amerikalılar mütəmadi olaraq regiona (Yaxın Şərqə - red.) yeni hərbi avadanlıqlar gətirir və bununla belə müharibəni dayandırmağa can atdıqlarını bəyan edirlər. Biz ABŞ-nin bu oyunlarını ayırd etməkdə ustalıq səviyyəsinə çatmışıq. Əməllər bəyanatları təsdiqləməlidir, onları təkzib etməməlidir", - M.Qalibaf qeyd edib.