Putin Ukraynadakı vəziyyətin həllinə açıq olduğunu bəyan edib

“Rusiya Ukraynadakı vəziyyətin siyasi və diplomatik yolla nizamlanması üçün hələ də açıqdır”.

“Report” xəbər verir ki, bunu Rusiya Prezidenti Vladimir Putin bəyan edib.

Onun sözlərinə görə, Rusiyaya qarşı yönəlmiş ultimatumlar göstərir ki, onun opponentləri Ukrayna ətrafında vəziyyətdən çıxış yolu tapmaqda maraqlı deyillər.

“Hələ 2022-ci ilin aprelində sülh danışıqları tərəfimizdən heç bir şəkildə dayandırılmamışdı. Sülh prosesinin gələcəyi yalnız mövcud geosiyasi reallıqları nəzərə almaqla ciddi söhbətə hazır olmaqdan asılıdır. Təəssüf ki, Rusiyaya ünvanlanan ultimatum tələbləri yalnız belə reallıqlardan təcrid olunmaqdan, mövcud vəziyyətdən çıxış yolu tapmaqda maraqsızlıqdan danışır”.