Putin: Rusiya Ukrayna ilə danışıqları davam etdirməyə hazırdır

Əgər Kiyev hesab edirsə ki, indi danışıqlar üçün vaxt deyil, Moskva gözləməyə hazırdır.

"Report" yerli KİV-lərə istinadən xəbər verir ki, bunu Rusiya Prezidenti Vladimir Putin bəyan edib.

O, Rusiya və Ukrayna nümayəndə heyətləri arasında İstanbulda keçirilən görüşləri ümumiyyətlə müsbət qiymətləndirib: “Rusiya-Ukrayna münaqişəsinin sülh yolu ilə həllinə yaxınlaşmaq üçün ətraflı danışıqlar aparmaq lazımdır, lakin açıq şəkildə deyil”.

Rusiya Prezidentinin sözlərinə görə, ölkə bir il əvvəl Ukraynada nizamlanma ilə bağlı öz məqsədlərini formalaşdırıb. V.Putin vurğulayıb ki, Ukraynada müvəqqəti məhdudiyyətləri olmayacaq uzunmüddətli sülhə nail olmağın tərəfdarıdır.