Paşinyan: “10 noyabr sazişinin alternativi daha ağrılı olardı”

Ermənistanın baş naziri Nikol Paşinyan qubernatorların iştirakı ilə iclas keçirib.

“Report” xəbər verir ki, Paşinyan ölkə daxilində vəziyyətin gərgin olduğunu bildirib.

“Sabitlik çox vacib və strateji məsələdir. Xarici və daxili təhlükəsizliyi, eyni zamanda sabitliyi təmin etmək ölkənin həll etməli olduğu ən böyük problemdir.

İmzalanmış üçtərəfli bəyanatın icrası çox ağrılıdır. Lakin qərar alternativin daha ağrılı ola biləcəyi vəziyyətdə qəbul edildi”.