Parisdə erməni bəstəkarın heykəlinə "saxtakar" yazılıb

Fransanın paytaxtı Parisdə erməni bəstəkar Komitasın heykəli boya ilə yazılıb.

“Report” xəbər verir ki, məlumatı “Novosti Armeniya” yayıb.

Bildirilib ki, heykəlin postamentinə fransız dilində “C'est faux” (“Bu saxtadır”) ifadəsi yazılıb.

Qeyd edək ki, əsl adı Soqomon Soqomonyan olan Komitas Eçmiədzində ruhani seminariyasında musiqidən dərs verib. Ermənilərin iddiasına görə, 1915-ci il hadisələrinin şahidi olub. 1869-cu ildə anadan olub. 1915-ci ildən ölənədək 20 il Parisdə psixiatriya xəstəxanasında saxlanılıb. O, ermənilərin saxta soyqırımı iddiasının əsas təbliğatçılarından olub. Soqomon Soqomonyan 1935-ci ildə Parisdə psixiatriya xəstəxanasında ölüb.