Nikol Paşinyan Ermənistanda fərarilik hallarının geniş yayıldığını etiraf edib

“Ermənistanda vətəndaşların hərbi xidmətdən yayınma cəhdləri ölkənin təhlükəsizlik problemlərindən biridir”.

“Report” xəbər verir ki, bunu ölkənin baş naziri Nikol Paşinyan İstintaq Komitəsinin yaradılmasının növbəti ildönümünə həsr olunan iclasda bildirib.

“Biz ölkənin təhlükəsizliyi sahəsində mövcud problemləri böyük ağrı ilə qəbul edirik. Bu vəziyyət dərin sosial-psixoloji ziddiyyətləri ortaya qoyur. Ermənistanda nə baş verdiyini anlamaq lazımdır”, - o söyləyib.