Mixeil Saakaşvili: “Əlil qala və ya ölə bilərəm”

Gürcüstanın eks-prezidenti Mixeil Saakaşvili ötən gün axşam xəstəxanaya aparılıb.

“Report”un yerli bürosu xəbər verir ki, bu barədə o, özü feysbuk səhifəsində məlumat yayıb.

M.Saakaşvili klinikada müxtəlif müayinələrdən keçdiyini qeyd edib.

Sabiq dövlət başçısının sözlərinə görə, o, ətraflarını artıq hiss etmir və beynində müxtəlif zədələr var: “Həkimlər dərhal müalicəyə başlamağı məsləhət görüblər. Əks halda xəstəliyim sürətlə ağırlaşacaq, əlillik və ya ölümlə nəticələnəcək”.

Qeyd edək ki, M.Saakaşvili ötən ilin sentyabrın 28-də Gürcüstana qeyri-qanuni yolla daxil olub və oktyabrın 1-də Tbilisidə yaxalanıb. Eks-prezident hazırda Rustavi şəhərindəki 12 saylı həbsxanada saxlanılır.