Paşinyan: Tehranla münasibətlərin inkişafı prioritetimizdir - YENİLƏNİB

Tehranla əlaqələrin daha da inkişaf etdirilməsi İrəvan üçün prioritetdir.

“Report” Ermənistan KİV-ə istinadən xəbər verir ki, bunu ölkənin baş naziri Nikol Paşinyan Kazanda keçirilən BRICS sammiti çərçivəsində İran prezidenti Məsud Pezeşkianla görüşündə deyib.

Onun sözlərinə görə, Pezeşkianın prezidentliyi dövründən bəri İranla münasibətlərin dinamikası nəinki qorunub saxlanılıb, hətta inkişaf edir.

10:15

İran Prezidenti Məsud Pezeşkian BRİCS sammiti çərçivəsində Ermənistanın baş naziri Nikol Paşinyanla görüşüb.

“Report” xəbər verir ki, məlumatı İSNA yayıb.

Qeyd edək ki, bu, İran Prezidenti ilə Ermənistan baş naziri arasında ikinci görüşdür. İlk görüş bu ilin iyul ayında Tehranda baş tutub.