Levon Ter-Petrosyan və partiyası parlament seçkilərini boykot edib

Bakı. 13 noyabr. REPORT.AZ/ Sabiq prezident Levon Ter-Petrosyanın rəhbərlik etdiyi Ermənistan Milli Konqres Partiyası parlament seçkilərini boykot edib. 

“Report” Ermənistan KİV-inə istinadən xəbər verir ki, qərar təşkilatın iclasında qəbul olunub.

Milli Konqres Partiyasının rəhbərliyində əksəriyyət hesab edir ki, seçkiyə qatılacaqları halda məğlub olacaqlar. Ona görə də parlament seçkilərində iştirak etməməklə bağlı qərar qəbul olunub.

"Qərar çoxluğun iradəsi ilə qəbul edilib", -partiyanın açıqlamasında bildirilib. 

Qeyd edək ki, dekabrın 9-da Ermənistanda növbədənkənar parlament seçkilər keçiriləcək.

2008-ci ildə təsis edilən Ermənistan Milli Konqresinin qurucusu və sədri Ermənistanın birinci prezidenti Levon Ter-Petrosyandır.