Latviya XİN başçısı: "Ukraynaya Rusiyadakı hərbi obyektləri vurmağa icazə verməliyik"

“Biz ukraynalılara Rusiyanın əməliyyatlara başladığı (kritik infrastrukturun atəşə tutulduğu) raket obyektlərini və ya aerodromları məhv etmək üçün silahdan istifadə etmələrinə icazə verməliyik”.

“Report” UNIAN-a istinadən xəbər verir ki, bunu Latviyanın xarici işlər naziri Edqars Rinkeviçs bildirib.

Onun sözlərinə görə, Ukraynaya Rusiyanın hərbi obyektlərinə zərbə endirmək hüququ verilməlidir.

Qeyd edək ki, Ukraynanın infrastrukturlarına Rusiya daxildəki hərbi bazalardan raket atəşi açır.

Xatırladaq ki, Ukrayna verilən silahlarla yalnız ölkə daxilində Rusiya hücumundan müdafiə məqsədi ilə istifadə edir.