Kuba Prezidenti Rusiyaya səfər edəcək

Kuba Prezidenti Migel Dias-Kanel Bermudes gələn həftə Rusiya səfər edəcək.

“Report” xəbər verir ki, bu barədə TASS-a Kubanın Rusiyadakı səfirliyindən məlumat verilib.

Bildirilib ki, onun Rusiya Prezidenti Vladimir Putinlə görüşü və Fidel Kastronun abidəsinin açılışında iştirak etməsi planlaşdırılır.

Səfirlik məlumat verib ki, Kuba inqilabı liderinin abidəsinin açılışı noyabrın 22-də baş tutacaq və Migel Dias-Kanel Bermudes nümayəndə heyəti ilə birgə bir neçə gün əvvəl Rusiya paytaxtına gələcək.